خطا.. خطا. صح.. لكن صح ما هو صحيح=حسبتها ألف مـرة.. وألـف تطلـع خطـا
الصمت شاهد علـى قبـر الكـلام الذبيـح=كانت عيونك فشـق بنـدق وشعـري قـطا
سكت.. والشعر يصرخ والقصايـد تصيـح=والقلب عاري وانا صمتـي فـراش وغطـا
لـو بعـض الايـام مرتنـي بوجـه فليـح=جتني الليالي تشيـل الجـرح حتـى سطـا
ياليتني قبل اعرف اركـض تعلمت اطيـح=لاجل اتقي شـر عثراتـي واعـاف الوطـا
يا ليتني قبل اعرف اتعب عرفـت استريـح=عشان مـا توجـع دروبـي ثقيـل الخطـا
جيتك جريح الكلام وكـان صمتـك جريـح=بين المجاريح مـا حاجـة دخـول أوسطـا
تدري وش اللي عجبني فيك غيـر المديـح=تنسى التفاصيل في كذبـك وتنسـى العطـا
خطاي ما يستره صمتك وعـذري شحيـح=وخطاك ما تدمحه وحشتـك عقـب البطـا
هذا انت ناسي من انت ما بقـى للصحيـح=الا اني ارجـع وانـا جيتـك وهـذا خطـا


للشاعر سعد الحريّص

شكراً لك وصح لسان الشاعر

صح لسانك ولسان الشاعر

والله يعطيك الف عاااافيه

تحياتي لكــ

ابو عبدالله
لاهنت على مرورك

شكرا لك

الشمراني


لاهنت على مرورك

شكرا لك

اخي الغالي ماجد ال سعيد صح لسانك ولسان الشاعر
والله يعطيك الف عاااافيه ودمت بالف خير

البازل

صح بدنك ياغالي

ولاهنت على مرورك العطر

الجميل دائما ومتذوق الجمال الاستاذ ماجد آل سعيد
يعطيك الف عافيه على نقل هذه الرائعه
ولا تحرمنا من ذائقتك المتفرده في كل ماهو جميل دائما
دمت كا تحب وكما نحب ان تكون

بن عـــــــامر

الجميل هو انت ياغالي شكرا لك

ولاهنت على مرورك العطر