ابوي يا مشقاي من هـم فرقـاك=غرقت عيوني بالبكاء من كدرهـا
ابحر مع الذكرى اليا مر طريـاك=والمشكله طرياك همـي نحرهـا
آهات أكن الحزن من بعد فرقـاك=وأعيش أنا ضامي بهمي ومررها
زلزال هز القلب لا مـر ذكـراك=وأعيش انا بذكراك وآخر عمرها
ما بين أنا والموت لحظه بليـاك=ونهيت انا أيامي وباقـي ثمرهـا
ما اعترض يوم المرض جا ولقاك=مكتوب من ربي بحكمـه قدرهـا
ابيع انا الدنيا وبسـري بدنيـاك=من هم دنياي العثر في عسرهـا
ابنحر أيامي اذا نـاوي بنسـاك=مانساك لو تنسى الليالي قمرهـا
ابوي يا مشقاي من هـم فرقـاك=غرقت عيوني بالبكاء من كدرهـا



أحمد السديرٍي

صح لسان الشاعر وتسلم يالغالي على النقل

القيصر
يعطيك الف عافيه على النشاط المميز والمفيد
والمواضيع الجميله قلم جميل ومميز
لاتحرمنا من جديدك المفيد
بارك الله فيك

صح لسان القائل

وسلمت يمين الناقل

شكرا لك