السلام عليكم

هذي قصيدة للشاعر الكبير طلال السعيد وهي معروف عند الناس وانا حبيت اكتب لكم هذي القصيدة انشالله تنال رضاكم

ياللي زعلت أزعل ولاني مراضيك *** اشرب كدر ماي البحر كانه أرضاك
لاتحسب اني عقب صدك بداريك *** بعز نفسي عنك مدراك مدراك
اربع سنين وانا متحمل تغليك *** راضي بتعذيبك لجل قلب اغلاك
وخليتني واليوم والله لخليك *** وأدوس قلبي لينه يقول خلاك
قبل توريني الحسايف بوريك *** ليمن قال فلان هانك ووراك
كانك تحداني فانا اقبل تحديك *** وانسى الغرام اللي مضى واتحداك
ماني بقايل لك عسى الله يهنيك *** الله يحرمك كل ماكان هناك
عسى العمى ياخاين العهد يعميك *** فوق الغرور اللي عن الماضي اعماك
وعساك ماتسمع قريب يناديك *** حيثك تجاهل صوت محروم ناداك
وعسى الشلل يعوق رجل تمشيك *** لينك تندم ليش غيرت ممشاك
وعسى حياتك بس فرحه لشانيك *** يلقا بها الفرصه عدوك ويشناك
وعسى الليال اللي تجيني بطاريك *** يصبح عليها الصبح وتموت طرياك
وعسى المنام وكل راحه اتجافيك *** آمين حتى اللي تمناه يجفاك
وعساك ماتفرح وتكثر بلاويك *** وأمك تشق الجيب من عظم بلواك
ولا مت جعلك في جهنم اتصاليك *** نار الجحيم ونار دنياك تصلاك
الله يكره فيك حتى دوانيك *** غشاش خاين من من الناس داناك
هذي النهاية روح والله يجازيك *** امسك ويومك عن هوى الغد يجزاك

صح الله لسان الشاعر طلال السعيد وتسلم يالغالي على هالنقل الرائع
وبعد اذنك فقد تم نقل الموضوع لمنتدى المنقولات الأدبية

وتقبل فائق احترامي

وعليكم السلام ورحمة الله وبركاته
.
.
يسلموووووووووووو قناص شمران

اخي ولد شمران تسلم يالغالي على هالنقل الرائع
وصح لسان الشاعرطلال السعيد