بسم الله الرحمن الرحيم

فزّ الخفوق وقلت يالله عسى خير
أثر الليالي عاد غايب قمرها
مع شوفته نشوه و فزّه و تخدير ِ
و عيون خلاّن(ن) تعانق نظرها
يفزّ له قلبي كما فزّة الطير
و الرجل كن اللي تحتها غدرها
يا صبح عمري يا صباح التباشير
نوره ملا قلبي و روحي غمرها
عقب الفراق اللي تعدّى المحاذير
يبّس غصون القلب جافي دهرها
ربّع بـروحي عقب ماهي معاسير
سحابة(ن) هلّت بقلبي مطرها
و اسقَى بها زرعة هوانا بتقدير
غرسة غرام(ن) بالمحبه بذرها
يا عاذلين العين والله مخاسير
و اللي درَى عن حال عيني عذرها
تشوم عيني عن جميع الغنادير
و إن ناظرت عيني فوادي نهرها
يا ناس احبه و المحبه مقادير
هذا هوَى نفسي و هذا قدرها
و الحب ماله يا اهل الحب تفسير
قلبين و الله بالمحبه امرها
لا جيت اصوّر حالة الحب تصوير
و أرد عن حالي لخلّي خبرها
لقيت وجدي فوق كل التعابير
كل الشعر قطره و شوقي بحرها

فزّ الخفوق وقلت يالله عسى خير

اهديها لجمهور النصر بمناسبه الفووووووووووووووووووز

ومشكور ياولد العامري

ولد العامري تسلم يمينك
كلمات رائعه ونقل مميز

ولد العامري

لاهنت على النقل وصح الله لسان القائل

شكرا لك

اخي ولد العامري
لاهنت على النقل وصح الله لسان راعيها

اخوى ولد العامري
مشكووور كل الشكر على النقل الجميل
يعطيك الف عافيه وسلمت يداك
ننتظر جديدك الجميل

http://www.3tt3.net/up4/get-4-2008-rhne0j1z.gif (http://www.3tt3.net/up4)