أبو رهام
04-09-2008, 10:22 AM
كما وعدنــاكم يا أحلى أعضاء
هانحن نوفي .. ونسرد لكم القصة
..........................
..........................
في يوم وانا طالع من الدوام وتعبان أبغى أنام بفلووس عشان دوامي من سبع إلى أربع العصر <=== والله قلق صح .
وانا اللي ألقط التلفون الجوّال من جيبي اليمين تقول كني لاقطن مسدس عيار تسعه كيلو متر !
وأطالع المتصل منهو قبل لا أقفل الخط .. والا والله الرقم غريب؟!.. صفرين وتسعة اصفار !!!! قلت في نفسي : عمى ! ذا شكله يدق من القمر !
رديت أشوف من المتصل والا منهو اللي على الخط ؟! .. والله ويطلع ابو عنان حبيب قلبي .
بصراحة فيه الخير الي ماغيرته المناصب
ربعنا السعوديين اذا الواحد منهم طلع رئيس قسم ولا سكرتير تنفيذي جحد العالم كلّه !!
.. وش علومك يا ابو عنان ، وش الأخبار ، وشلون عجوزك ؟ عساها اشوى من السكر والضغط والروماتيزم وأمعروووووووق ؟
ويوم رد عليه والا الرجال صوته متغير !
سألته : سلامات عسى ماشر ياكوكو ؟
" عاد انا متعود أدلعه كوكو "
قال اسمع ! انا جاي الرياض بس ما ابي احد يدري !
قلت مرحبا والله يا سنايدي ! ، أجل لازم نقضي معك يومين ناخذ علومك وتاخذ علومنا ..، .. بس سلامات ! ليش ماتبغى احد يدري ؟
قال يابن الحلال كنت في سفره خاصة ، زرقت فيها لأحد هالديار ، ورحت وانجزت لي مقابلات وشوية أجتماعات وأشغال من النوع اللي في الشقق والقصور ، ولا بغيت اخذ طيارة الامم المتحدة علشان لوحاتها دوبلماسية وقلت بشوف لي شركة طيران <=== والله فيه الخير كوكو يشجع سما و نـاس ..
ويكمل حديثه ويقول :
عاد هالشركة الرخيصة الله يقلعها حذفتني ترانزيت عندكم ! ولا ابغي تكفا يدخل الموضوع في أمور رسمية ، وودي أقضي هالليلة عندك في الشقه وعلى فكره أنت باقي ساكن بإسكان الخرج في ذاك الشقه الخايسه ؟ .
قلت له : الله يسامحك ياكوكو وبعدين زمن الخياس راح مع العزوبيه وعموماً هلا والله ومسهلا .. وبعدين يا كوفي ! انت تشرف بأي وقت ، والله يوصلك بالسلامة .
وبعد مارحت له في المطار ( مطار الرياض ) .
وحنا في السيارة وراجعين من المطارسألته :
.. هاه .. وين تبغانا نروح ؟ تبغانا نروح لشقتي والا في راسك مكان ثاني ؟
قال خلنا نروحي ل( مقهى ) ..
وانا اللي انقز عليه باصبعي بغيت الطم عينه !
وانا اقول له أقسم بالله انك سرقتها من راسي !!
توني يابن الحلال قبل لا اجيك المطار توني حاط لي إعلان في شبكة شمران اللي كلمتك عنه وأنهم مبسوطين مني وحاطيني ( شخصية هامه ) وقلت في الإعلان إني أبفضّح فيك أنك جيت للرياض .. وابي اشوف اول رد مين يكون صاحبه .. وانت طلعت على نفس الموجة !
والله انك خوي يابو عنان !
يوم قاطعني وهو يبعد اصبعي ويدي عن وجهه ، ويدفني من كتفي واقعد على كرسيي وهويقول : لا يا اخي ! انا ابيك توديني مقهى شيشة عربية !
يوم طاح وجهي وعجزت امسك نفسي وانا اقول له يا أخي انتو يالاجانب معفنين من جد !
الحين تارك الانترنت والتطور وتدور على شيشة ؟ وجراك ؟!!
تدري ! وعلشان اصير امريكي معك ، اسمح لي مانيب رايح ! ماهوب علشانك ضيف تتحكم في مزاجي !
وبصراحة .!!... انا ماأحب ارتاد هالأماكن !!!
الخلاصة ياشباب إننـا تمارينـــا انا وابو عنان قبل لانبعد عن المطار، كننا ماتفارقنا الا البارح .
بس عاد الحمد لله وصلنا لحل وسط وسلمي وهو اننا نروح لكوفي شوب ممنوع فيه التدخين ، بشرط ماندخل الانترنت اذا طلع فيه نت !<===== شف نجاسة كوفي
قعدت أسأل ابو عنان عن علومه ، وانا ابارك له الصندوق الجديد الي انشأته الامم المتحدة بتمويل من 8 دول صناعية وهو اللي بيرأسه بعد الصناديق الواجد اللي أخذها ..
قصدي اللي تحصلت عليها الامم المتحدة وحطته رئيسها .
عاد ترا هو عادي ، يعني مايخاف من سوالف الحسد والعين ولا هالأمور ، ويقول والله ويحلف على كل شيء !
قلت يا كوفي عاد من باب مصارحات خوي لخويه .. أنت الحين مرتاح لضميرك وانت ماغير هدايا ، ومجاملات ، مع الشركات اللي ترسي عليها عقود المشاريع الخاصة بالأمم المتحدة ؟!
ماتلاحظ ان المشاريع التنموية حقت الجوع في افريقيا كلها فاشلة ؟
والدليل بقاء الحال زي ماهو عليه !؟ مع ان الميزانيات الضخمة والمشاريع المدروسة كانت تكفي انه تسوي حل جذري للمشكلة هاذي ؟
كله بسبب هالعمولات والخنبقة اللي تسويها يا كوكو !!
يا اخوي طالع فلسطين !! والا كشمير ! . . وشف لك حل!
لو كلمتين من كلامك البارد !!
قام رد عليه بعد ماطالعني بزعل : يا شيخ روووح هناك انت ووجهك اللي كنه نيجاتف بني آدم ! <===== وخرو عنه ! متكـرررن كوكو !!
شف يا ابو رهام ،، .. أنا موظف في الامم المتحدة ، حظي اني صرت اكبر واحد هناك .. لو كان اي واحد في هالعالم كان ممكن يكون هو مكاني .
ماهوب انت تتخرج من الجامعه وجاك تعيينك في الرياض على طول ثاني يوم تتخرج فيه وبجنب بيتكم !.. وبعدين انا ماقلت لك شيء ولا حسدتك ؟
وبعدين يا اخوي ترا ماأحد نافع أحد هاذي الأيام !
وهاللي طلعوا فكرة الامم المتحدة ويصرفون عليها يحق لهم يسوون اللي يبغون ؟
يا اخي حلالهم .. أنت ولا انا بنخاشرهم في حلالهم ؟
وبعدين تراكم ازعجتونا بفلسطين هاذي ! .. وش تبغوني اسوي وانتو ما سويتو شيء؟
هذي اسرائيـل حاجرتن ياسر عرفات في غرفته ويحطون الرصاص في نبابيط ويفلقونه بها وما تحركوا زملاه في العمل ( الرؤساء ) ألين ماااااات ولا فكيتوه مسكين ؟
يا اخوي انا ترى سويت الي ماسووه اللي قبلي ! .. أنا ترى رحت لغزة !
وبعدين يوم ان الامم المتحدة في عصمة عربي ماتحركتوا ولا وريتونا شطارتكم ؟ ولا طلعتوا لكم كم بيان من ذا اللي تبغوني اطلعها ؟
ولا بس علشاني اسود ؟! .. تراكم عنصرين يالعرب !!
من أيام ماجد عبدالله إلى عبدالله سليمان للخليوي وللحين ولبكره ولبعد بكررره يالعرب .
ياشيخ فكنا بالله ، وعلمني وش علوم الدوري ؟ وقول لي الين الحين ماشفتو لكم حل في سالفة الثمانية يالسعوديـين ؟!
أشرب قهوتك بس تراها سمجت .. قصدي بردت .
وشد بيننا الكلام وتزاعلنا وطلعت من الكوفي شوب وعطيته في يده ورقة مكتوب عليها ( فندق صحاري المطار ) وقلت له هاذي تعطيها اي راعي ليموزين وبيساعدك توصل بيتكم بسرعة .
تلوووووووووومووووووني فيه يالربـع !!!
======================
عاد ترا السالفة هاذي صدق وانتوا تراكم ماحلفتوني !
واللي مهوب مصدق ، عندكم كوفي عنان حي يرزق .. إسئلوه! .. والا سائلوه!.. والا اشتكوه !.
وأتمنى هالموضوع مايطلع لأني وعدت الرجال أنه ماأحد يدري أنه جاء للرياض .. تعرفون الإحراجات اللي بيوقع فيها لو أحد عرف ..
هانحن نوفي .. ونسرد لكم القصة
..........................
..........................
في يوم وانا طالع من الدوام وتعبان أبغى أنام بفلووس عشان دوامي من سبع إلى أربع العصر <=== والله قلق صح .
وانا اللي ألقط التلفون الجوّال من جيبي اليمين تقول كني لاقطن مسدس عيار تسعه كيلو متر !
وأطالع المتصل منهو قبل لا أقفل الخط .. والا والله الرقم غريب؟!.. صفرين وتسعة اصفار !!!! قلت في نفسي : عمى ! ذا شكله يدق من القمر !
رديت أشوف من المتصل والا منهو اللي على الخط ؟! .. والله ويطلع ابو عنان حبيب قلبي .
بصراحة فيه الخير الي ماغيرته المناصب
ربعنا السعوديين اذا الواحد منهم طلع رئيس قسم ولا سكرتير تنفيذي جحد العالم كلّه !!
.. وش علومك يا ابو عنان ، وش الأخبار ، وشلون عجوزك ؟ عساها اشوى من السكر والضغط والروماتيزم وأمعروووووووق ؟
ويوم رد عليه والا الرجال صوته متغير !
سألته : سلامات عسى ماشر ياكوكو ؟
" عاد انا متعود أدلعه كوكو "
قال اسمع ! انا جاي الرياض بس ما ابي احد يدري !
قلت مرحبا والله يا سنايدي ! ، أجل لازم نقضي معك يومين ناخذ علومك وتاخذ علومنا ..، .. بس سلامات ! ليش ماتبغى احد يدري ؟
قال يابن الحلال كنت في سفره خاصة ، زرقت فيها لأحد هالديار ، ورحت وانجزت لي مقابلات وشوية أجتماعات وأشغال من النوع اللي في الشقق والقصور ، ولا بغيت اخذ طيارة الامم المتحدة علشان لوحاتها دوبلماسية وقلت بشوف لي شركة طيران <=== والله فيه الخير كوكو يشجع سما و نـاس ..
ويكمل حديثه ويقول :
عاد هالشركة الرخيصة الله يقلعها حذفتني ترانزيت عندكم ! ولا ابغي تكفا يدخل الموضوع في أمور رسمية ، وودي أقضي هالليلة عندك في الشقه وعلى فكره أنت باقي ساكن بإسكان الخرج في ذاك الشقه الخايسه ؟ .
قلت له : الله يسامحك ياكوكو وبعدين زمن الخياس راح مع العزوبيه وعموماً هلا والله ومسهلا .. وبعدين يا كوفي ! انت تشرف بأي وقت ، والله يوصلك بالسلامة .
وبعد مارحت له في المطار ( مطار الرياض ) .
وحنا في السيارة وراجعين من المطارسألته :
.. هاه .. وين تبغانا نروح ؟ تبغانا نروح لشقتي والا في راسك مكان ثاني ؟
قال خلنا نروحي ل( مقهى ) ..
وانا اللي انقز عليه باصبعي بغيت الطم عينه !
وانا اقول له أقسم بالله انك سرقتها من راسي !!
توني يابن الحلال قبل لا اجيك المطار توني حاط لي إعلان في شبكة شمران اللي كلمتك عنه وأنهم مبسوطين مني وحاطيني ( شخصية هامه ) وقلت في الإعلان إني أبفضّح فيك أنك جيت للرياض .. وابي اشوف اول رد مين يكون صاحبه .. وانت طلعت على نفس الموجة !
والله انك خوي يابو عنان !
يوم قاطعني وهو يبعد اصبعي ويدي عن وجهه ، ويدفني من كتفي واقعد على كرسيي وهويقول : لا يا اخي ! انا ابيك توديني مقهى شيشة عربية !
يوم طاح وجهي وعجزت امسك نفسي وانا اقول له يا أخي انتو يالاجانب معفنين من جد !
الحين تارك الانترنت والتطور وتدور على شيشة ؟ وجراك ؟!!
تدري ! وعلشان اصير امريكي معك ، اسمح لي مانيب رايح ! ماهوب علشانك ضيف تتحكم في مزاجي !
وبصراحة .!!... انا ماأحب ارتاد هالأماكن !!!
الخلاصة ياشباب إننـا تمارينـــا انا وابو عنان قبل لانبعد عن المطار، كننا ماتفارقنا الا البارح .
بس عاد الحمد لله وصلنا لحل وسط وسلمي وهو اننا نروح لكوفي شوب ممنوع فيه التدخين ، بشرط ماندخل الانترنت اذا طلع فيه نت !<===== شف نجاسة كوفي
قعدت أسأل ابو عنان عن علومه ، وانا ابارك له الصندوق الجديد الي انشأته الامم المتحدة بتمويل من 8 دول صناعية وهو اللي بيرأسه بعد الصناديق الواجد اللي أخذها ..
قصدي اللي تحصلت عليها الامم المتحدة وحطته رئيسها .
عاد ترا هو عادي ، يعني مايخاف من سوالف الحسد والعين ولا هالأمور ، ويقول والله ويحلف على كل شيء !
قلت يا كوفي عاد من باب مصارحات خوي لخويه .. أنت الحين مرتاح لضميرك وانت ماغير هدايا ، ومجاملات ، مع الشركات اللي ترسي عليها عقود المشاريع الخاصة بالأمم المتحدة ؟!
ماتلاحظ ان المشاريع التنموية حقت الجوع في افريقيا كلها فاشلة ؟
والدليل بقاء الحال زي ماهو عليه !؟ مع ان الميزانيات الضخمة والمشاريع المدروسة كانت تكفي انه تسوي حل جذري للمشكلة هاذي ؟
كله بسبب هالعمولات والخنبقة اللي تسويها يا كوكو !!
يا اخوي طالع فلسطين !! والا كشمير ! . . وشف لك حل!
لو كلمتين من كلامك البارد !!
قام رد عليه بعد ماطالعني بزعل : يا شيخ روووح هناك انت ووجهك اللي كنه نيجاتف بني آدم ! <===== وخرو عنه ! متكـرررن كوكو !!
شف يا ابو رهام ،، .. أنا موظف في الامم المتحدة ، حظي اني صرت اكبر واحد هناك .. لو كان اي واحد في هالعالم كان ممكن يكون هو مكاني .
ماهوب انت تتخرج من الجامعه وجاك تعيينك في الرياض على طول ثاني يوم تتخرج فيه وبجنب بيتكم !.. وبعدين انا ماقلت لك شيء ولا حسدتك ؟
وبعدين يا اخوي ترا ماأحد نافع أحد هاذي الأيام !
وهاللي طلعوا فكرة الامم المتحدة ويصرفون عليها يحق لهم يسوون اللي يبغون ؟
يا اخي حلالهم .. أنت ولا انا بنخاشرهم في حلالهم ؟
وبعدين تراكم ازعجتونا بفلسطين هاذي ! .. وش تبغوني اسوي وانتو ما سويتو شيء؟
هذي اسرائيـل حاجرتن ياسر عرفات في غرفته ويحطون الرصاص في نبابيط ويفلقونه بها وما تحركوا زملاه في العمل ( الرؤساء ) ألين ماااااات ولا فكيتوه مسكين ؟
يا اخوي انا ترى سويت الي ماسووه اللي قبلي ! .. أنا ترى رحت لغزة !
وبعدين يوم ان الامم المتحدة في عصمة عربي ماتحركتوا ولا وريتونا شطارتكم ؟ ولا طلعتوا لكم كم بيان من ذا اللي تبغوني اطلعها ؟
ولا بس علشاني اسود ؟! .. تراكم عنصرين يالعرب !!
من أيام ماجد عبدالله إلى عبدالله سليمان للخليوي وللحين ولبكره ولبعد بكررره يالعرب .
ياشيخ فكنا بالله ، وعلمني وش علوم الدوري ؟ وقول لي الين الحين ماشفتو لكم حل في سالفة الثمانية يالسعوديـين ؟!
أشرب قهوتك بس تراها سمجت .. قصدي بردت .
وشد بيننا الكلام وتزاعلنا وطلعت من الكوفي شوب وعطيته في يده ورقة مكتوب عليها ( فندق صحاري المطار ) وقلت له هاذي تعطيها اي راعي ليموزين وبيساعدك توصل بيتكم بسرعة .
تلوووووووووومووووووني فيه يالربـع !!!
======================
عاد ترا السالفة هاذي صدق وانتوا تراكم ماحلفتوني !
واللي مهوب مصدق ، عندكم كوفي عنان حي يرزق .. إسئلوه! .. والا سائلوه!.. والا اشتكوه !.
وأتمنى هالموضوع مايطلع لأني وعدت الرجال أنه ماأحد يدري أنه جاء للرياض .. تعرفون الإحراجات اللي بيوقع فيها لو أحد عرف ..