بعتني بالرخص والله لابيعك ===== بيعتا لاقيل فيها ولاساوي


خل من سمم لك افكارك إيفدك===== لاثبت قدامك النص والراوي


ريشتا تغدي بك الريح واتجيبك===== طعت في الاش والخبل والغاوي


ياحسايف قدلي اسنين اغنيبك===== يوم انا متوهم(ن)فيك هقاوي


كل ماجا زلة(ن) قلت من طيبك===== من حلا الايام بلقا محلاوي


اثرني متوهم(ن)فيك مدريبك===== انخدعت احسبك عطري الجاوي


لان لي منهج ولااحب تثريبك===== صادقا لاقلت خاويت باخاوي


فوق راسي هبت قدرك وترتيبك===== وانا كني جيت مالبحر برماي


ان تخاوينا فانا السيف بيمينك===== وان تفارقنا فلامات احد طاوي


نعلبوها شيمتا ماتوديبك===== للمعالي لين ترقى معلاوي


تضهر الطيبه وانا والله ادريبك===== واعرف انك لابترحم ولاتاوي


والحياة امجرد ايام تمضيبك===== لين تعرف وش وراء البرق والناوي


عقبها لالك بشوفي ولاليبك===== لااصبح ان كلا في المقبره ثاوي



اه لوتدري بقصدي وش ابغيبك===== كان مانجحت كيتك ياالكاوي


كنت اروم ارقى بك الريع وابديبك===== واتمشابك على صير(ن)لاوي


لاكن الدنيا على غير مرجيبك===== مرة(ن)تضحك ومره لها ابكاوي


نزلت صدام قد شفته ابعينك=====ونصبت في عرشه اياد علاوي (من قصايد بن ميزع)

صح الله لسان شاعرنا بن ميزع على هالقصيده

وشكرا لك اخي على النقل

شكرا لك

صح لسان الشاعر بن ميزع

صح الله لسان شاعرنا بن ميزع على هالقصيده

وشكرا لك اخي على النقل
تقبل تحياتي

صح لسانك والى الامام