( ثواب بن زيد )
هلا يامرحبا حييت ثم حييت يابراهيم = تراحيب الهجوس اللي محبتنا ترادفها
يهيضني وقوفك جعل يلحق سيل نوك ديم = على روس الجبال اللي بعيداتن نوايفها

--------------------------------------------------
( أبراهيم الشيخي )

يدوم لك البقا والطيب في بيض القلوب مقيم = يعيش مع النشاما ويتحكم في تصرفها
اشوف الارض محميه واشوف الجو كله غيم = عسى الله يرحم الامه وتتوحد طوايفها

( ثواب بن زيد )

ضوامينا ليا وردت عليكم ماتصدر حيم = تبي تشرب قراحن والعوارف مانعرفها
تشوف الارض وتشوف السما والغيب شوفه ضيم = وعلى كيفك مقادير الليالي ماتكيفها( أبراهيم الشيخي )



ضواميكم لاجات اورود لاتشرب شراب الهيم =ترى ربك بغير اللي يسعها مايكلفها
انا لاجات عند الصيرفه ماراح لي مليم = جميع بلاد محسوبن رصيدي في مصارفها
( ثواب بن زيد )
على ماتشتهي تشرب( وحاسب يعلمون اسليم) = اظن اسليم عنا لو تدري ماتطوفها
يقولون الموديلات الجديده روعة التصميم = وانا اقول الدعيات التجاريه تصرفها

( أبراهيم البشيخي )


أحسبك مثلي اتحكم قصيدك بالعقل تحكيم = واثرك اللي يحب مخاوز سليم وتطرفها
اخير من االمديلات ام غش البدي والترهيم = بتبطي واقفه لين الصدا يعدم رفارفها

( ثواب بن زيد )
على حس الربابه وام شنه يطربون اهتيم = وانا اطرب للتماثيل الثقيله يوم اسولفها
تقوله وانت سواقن لاسرت اسواقتك تعليم = على ظهر ام قير اللي عصا الحذاف يحذفها

---------------------------------------------------------

عاشق المحاورة

تسلم يمينك يالغالي على هذه المحاورة

لك مني خالص الاحترام والتقدير

ولا تحرمنا من جديدكـ

شكراً لك على هذا الموضوع الرائع

تسلم يمينك اخوي عاشق المحاوره ولاهنت مبدع كما عهدناك بارك الله فيك

اخي عاشق المحاورة
تسلم يمينك يالغالي على هذه المحاورة الجميله والرائعه