يا حر قلبي . . حر قلبي . . يا حره = يا شيب عيني من فراق المطاليق
.
يا ضـُـر حالي . . ضُـر حالي . . يا ضُـره = في ساعة من ضُـرها ينشف الريق
.
اقولها واجر بالصوت جرة = من سمعها يدفق من الدمع ويريق
.
عز الله ان فرقى المطاليق مُرة = تمزق الاكباد بالجوف تمزيق
.
ما سر قلبي البعد عنهم ما سره = والدمع من عيني على القول تصديق
.
لي في غلاهم كرّةٍ بعد كرّة = من طيبهم طوقني الحب تطويق
.
احزن على اهل الطيب بحره وبره = اللي ليا من شفتهم روّح الضيق
.
منهم مدير ٍ كفوْ لله دره = له في الوفا والصدق عهد وتوثيق
.
احلف لهم واعيد مليون مرة = يمين من صادق ولاهو بتلفيق
.
يبقى غلاهم في خفوقي مقره = ولايجي له خارج القلب تعليق
.
من برني بالفعل والله لابرّه = وامسي على ود اهل الامداح وافيق
.
ولا انتقص من قدرهم وزن ذرة = ذيك الصقور اللي لها فوق تحليق
.
ولا نسيت اللي لعينيّ قرة = طلابي اللي حبهم بالمعاليق
.
يازينها لا مني اخذت فرة = على الفصول اطل في الصبح واويق
.
اناظر احبابي نجوم المجرة = يا حي ذاك الشوف يا اغلى المخاليق
.
لهم نفوس طاهراتٍ وحرة = يازينها البسمة اذا قلت (( تصفيق ))
.
الله يكفيهم من الوقت شره = وانه يوفقهم على الدوم توفيق

راجي الوصل صح لسانك

ولا فض فوك

قصيده جزله من شاعر جزل

ننتظر جديدك فلا تبخل به علينا

تقبل فائق احترامي وتقديري,,,

يبقـى غلاهـم فـي خفوقـي مقـره****ولايجـي لـه خـارج القلـب تعليـق
مـن برنـي بالفـعـل والله لابــرّه****وامسي على ود اهل الامـداح وافيـق

صح لسانك ياراجي الوصل وبيض الله وجهك ولا هنت قصيدة رووووعه جدا

اخي راجي الوصل صح لسانك بهذا الابداع
وبيض الله وجهك ولا هنت قصيدة في منتهى الروعه

صح لسانك ولا هنت قصيدة رائعة وفقك الله 0

راجي الوصل صح لسانك ابيات جميله والله يوفقك محل ماتسير

صح لسانك ياراجي الوصل

ولا تحرمنا جديدك

اخوي الغالي راحي الوصل الشاعر الموهوب
صح الله لسانك وبيض الله وجهك وما اصعب لحظات الفراق
لعل العافيه والخير مايفارقك يالغالي
لاتحرمنا من تواجداك الجميل
وابداعاتك الجديده

صح لسانك قصيده رائعه

(( الفراق )) . . يالها من كلمة مرة جدا . .
نطقها أشد مرارة من الحنضل وأنكأ من جرح
الخناجر والسيوف واصعب على الروح
في بعض الأحيان من انتزاعها .
إن اكثر مايحزنني في موضوعي هذا
انه ومن بعد ظهور اسمي في حركة النقل
اقف كل صباح امام طلابي الصغار في
طابور الصباح واحدث نفسي واقول
الأكيد أن الكثير منهم لن التقيهم مرة أخرى
إلا يوم القيامة وانا أعلم أن هذا
حال الدنيا والله المستعان .
ولكن مما يعزيني في ذلك أنني طيلة
تلك السنوات التي قضيتها معهم لم أرفع
على احدهم العصا ولم اجرحهم بكلام
غير لائق بل كنت انتقي في مخاطبتهم
احلى الكلام واجمل العبارات واعاملهم
بكل حب ومودة ولم أقصر في تعليمهم
وتربيتهم ورصدت لذلك الجوائز وعلى
حسابي الخاص ولا أقول ذلك منة فهم
يستحقون اكثر من ذلك كيف لا ؟
وهم فرحتي وبهجتي بل قل اصدقائي
الذين يحبونني بكل صدق وبدون
أي تزييف للمشاعر.
ثم إن حزني على فقد زملائي المعلمين اكبر
اولئك الرجال الذين تعلمت منهم
الوفاء والصدق والاخلاص والله لقد كانوا
لي كأخواني أو اشد حرصا علي منهم
فيالكبر قدرهم عندي ويالعظم مكانتهم في قلبي
اسأل الله ألا يحرمني رؤيتهم مرة أخرى .
...........
احبتي الكرام الذي مروا من هنا
فأبت مشاعرهم النبيلة والصادقة
إلا أن تشاركني مصابي في فقد احبتي
ووداعهم اعجز عن شكركم احبتي
على ردة فعلكم الجميلة الرائعة
التي اسعدتني فلقد تعايشتم مع قصيدتي
إلى حد كبير بعد كنت اظن انني انا الوحيد
الذي يحس ويعيش لوعة فراق
ولكني وجدتكم قبل أن تقرأوا قصيدتي
قرأتموني انا وكأنكم اطلعتم على قلبي
فلكم مني كل الحب والشكر والعرفان
يا اعزائي وصفوة احبابي واسأل الله
ألا يفرق بينكم وبين من تحبون .

قصيدة وصلت الى قلوبنا لأنها نابعة من قلب صادق.

شكر الله لك ما بذلته من جهوود في سبيل العلم وطلبته على أمل أن لا نودعك نحن اخوانك في المنتدى . فالمنتدى في كل مكان وفي أي وقت كان .
نحن هنا معك أينما كنت فلا تحرمنا من جديدك.

http://www.3tt3.net/up4/get-5-2008-lxplkn8h.gif (http://www.3tt3.net/up4)

اخوى راجي الوصل
صح الله لسانك يالغالي قيده جميله
وهذا بطبع ليس غريب عليك الله يعطيك العافيه