"]احدودب الظهر والسيقان ملفوفه=== والقوة اللي نقلنا مثل الاحلامي

والسمع ذاكان والاسنان مصفوفه=== راحت وسارت عصاتي ثالث اقداي

والشوف ماعادبه شوفا على لوفه=== ماغير سرت اتحسس صوت وايهامي

اطيح لاقمت كن الرجل مكتوفه=== من قلت الحيل ماتحملني اعضامي

واون في مجلسي والروح ملهوفه=== لامن تذكرت جيلي عبر الايامي

لامن ذكرته تقول الروح منشوفه=== واتقول كنه يحز القلب صرامي

العيش بعده حراما مابه احسوفه=== والموت خيرا من ان الرجل يلامي

كنت اتمنى واناباقي على زوفه=== اشوف ذريتي في ثوب واحزامي

في جلسة صافيه بالود محفوفه=== اغسل بها خاطري من قبل ينضامي

اضحك مع ذا وهذا ودي اشوفه=== واشوفهم كلهم في حب قدامي

لاكن شبوا فوادي واحرقوا جوفه=== وابكوا عيوني في اخر عمري الدامي

اسكت وانا ارا الخطى ماكني اشوفه=== لاجل ان ماعاد بيدي حل وازمامي
[/center]