هلا باللي الى مني نظـــــــرته ينشرح بـــــالي= عساني ما انحرم من شوفتك ياأعز ما اشــــوفه

هلابك يا هلا باللي الى من وقـــــــف قبــــالي = تغانمـــت الــزمن اللي تهياله من ظــــــــروفه

هلا بك قلتها نشوة فــرح يا الطــــــيب الغالي= الى شفتك تحـــديت البشــر والوقت وصــدوفه

هلابك تقهـــر الأنــــذال عــــذالك وعـــــذالي= تمـــوت بحسرة من كبـرها للناس مكشـــــوفه

هــــلابك كلما تقبل علي تمــــــشي وتختـــالي= يضيع الهــرج بالساني من الفرحه بها نشـــوفه

عساني كلما اصحى من منامي يابعـــــد حالي= تكـون اقرب من عيوني شوي وارتاح لولــوفه

عسى الدنيا بــــدونك يعترضها كل زلــــزالي= يــــــدمرها ويجعلها خرابه غيرمعــــــــــروفه

ابيك ولا ابي غيــــرك ابــــد لاأول ولاتــــالي= غيــابك صعب لاوالله هلاك لروح ملهـــــــوفه

ابي كل المشاعـــر تحتـــويني حيل بالحــــالي= ابي لمســــة حنان وشوق تأتيني من كفــــــوفه

ابي حب ينســــيني الشقى ويحقق امــــــــالي= وانا والله لا أخــلي القلب لك واسكنك جــــــوفه

ابيك تحـــس فيني دوم في حلي وتــــــرحالي= ابيك تـــردد ابيات الشعر بألحان معـــــــــزوفه

نبي ننـــسى العنا والكـــــون كله ينقلب حـالي= تقهـــــويني فنــــــــاجيل الهنا ودلال مصفــوفه

ابي عهـــــــد يخلي حبنا بالمنـــــــزل العــالي= تــراعيني واراعي خاطرك والنفس مشغــوفه

احبــــك والغـــلا زايــد هــــــواك يبهر ادلالي= طلبتك لا تخــلي صاحبك يعيــش في خـــــوفه

تــــرى الفرقى عذاب العاشقين والحب قتــالي= الى من صار من تطلب لقاه يشح بالشــــــــوفه

شعر بو ماجد / زهير بن مداوس الشمراني

صح لسان ابو ماجد

شكرا اخوي خالد

صح لسان الشاعر وسلمت يد الناقل

اخي خالد الشمراني
شكراً لك على نقل هذه القصيده الرائعه
وصح لسان الشاعر زهير بن مداوس

مشكور على النقل وما قصرت ولا هنت

لاهنت اخوي خالد على نقلك

وصح لسان الشاعر زهير بن مدواس