قصيدة العرب )
ما بين الشيخ عائض القرني وابن حوقان
بدع الشيخ عائض القرني قصيدة عصماء على طرق الشقر بلغت 140 بيتاً يستعرض فيها أمجاد القبائل ، ليس - كما قال الشيخ - من باب العصبية ، ولكن من باب تذكير هذه القبائل بنعم الله عليها ، وقد صدرت هذه القصيدة في كتاب ( قصيدة العرب ) والردود التي أتت عليها من الدكتور ناصر الزهراني والدكتور ظافر القرني ، والشاعر العمدة محمد بن حوقان المالكي ..


غلاف كتاب قصيدة العرب ( متواجد في مكتبة العبيكان بطبعة فخمة ومنقحة )


البدع
للشيخ الدكتور عائض بن عبد الله القرني

قبل بدع المعاني : نطلب اللّه ، ولا نطلـب سـواه
ثمّ صلّوا مـع التسليـم عالهاشمـي خيـر ..البريـه
رافعٍ رايـة التوحيـد ، والكفـر بـيـده ..دمَدمَـه

***

يا سلامي على ابطـال الجزيـره وحفّـاظ ..الحـرم
كلّ واحد نوصّل لـه سـلامٍ علـى كـفِّ ..المحَّبه
الرجال البواسل يوم تدعِـي الحـروب رجالهـا ..:

***

يا قُريش الرساله والمكـارم ومصـدر كـُلِّ ..جـود
منكم المصطفى ، نفديـه بارواحنـا وبكـل ..غالـي
منكم ابطال بدر ويوم ضرب الجماجـم فـي حنيـن

***

وآ نثنِّـي بقحطـان المغاويـر ، يـاراس ..العـرب
يرزف الهول من قحطان والريح تاقف في ..جدرهـم
والتواريـخ تكتـب باسمهـم ، والسجـل ..بعلمهـم

***

ثم نذكـر تميـم المجـد مـا لاح بـرَّاق ..الحجـآز
" اللّه اكبر " تميم تعيش ؛ ومجـدّد الدعـوه ..تميمـي
لو يقولون للسيـل العرمـرم تمهّـل قـال : تـمّ ...

يا ثقيف الحِكَم : مابَقدر انسـاك ياغالـي ..الرجـآل
ابن مسعود ( عروه ) شيخكم ، وي بني سعـد ..نحبِّـه
أرضعوا سيّـد ابـن ادم وفـازوا بذيـك ..المنزلـه

***

وا بني مالك أهـل المنـع واهـل الحِميَّـا ..والذِّمـم
وا جرير بن عبـدالله منكـم ( صحابـيٍّ جليـلِ ..)
ذكركم يابنـي مالـك رفيـع المقـام ، وقـد ..سمـا

***

وانتقِل في دول زهران ، والبِيض تكسـى ..روسهِـم
(الطفيل ابن عمرو) و(بوهريره) من ..اخيار الصحابه
جود . وفهود ؛ يوم البـاس كـلٍّ يحـاذر ..باسهِـم

***

ثمّ غامد رجال العلـم واهـل الحِكَـم ..والموجِبَـات
ذَهَبُوا بالذكا والعبقريهـه ، وراعـي الشـور ..غامـد
كم تجالس فتـىً منهـم ، وتلقـى هُرُوجـه ممتعــه

***

ثُمّ سلِّم على خَثعَـم ؛ ورمـز المعـارف ..خثعمـي
خثعم الهـول : شمـرانٍ وعليـانِ يانعـم ..الرجـال
والعوامر حمى اللّه بيتهـم مـن ملمّـات ..المكـاره
هم ودعوى البحيري والسهيمي وناس فـي " يَبَـه .."






حيّ بالقرن ، للأنصار نسبـه ، ومقدمهـم ..أُويـس
العمومه مع الأوسيـن والخزرجـي والجـدّ ..الازدي
ماابغِيَ ازيد في التعريف ، خلّ العـرب ..يتعادلـون

***

ياسلامي على عمرين ، واهلين بـك شـامِ ..وَيمَـن
أنت راعي المعـزَّة مانطِّرفـك ياراعـي ..المكـارم
فانّ عبد الغني منكـم وحتّـى الطحـاوي ..والأصـمّ

***

يا بني شهر بدر الارض نـور كمـا نـور ..القمـر
من سَلامَان نروي المعرفـة فـي معاليكـم ..ويَثلَـه
كـلِّ شهـري يفاخـر بالبطولـة ويتغنّـى ..بـهـا

***

وانت ياالاسمري ماانساك .عَلوَى مكارمك ..الجـدود
تكرم الضّيف وتردّ العوادي ولا ترضـى ..الخطيَّـه
يابني الاسمر: الامجاد منكم ومن حلّ فيكم مااغترب.

***

عنـد بالَّحمـر ادرِّج قـوافٍ كمـا عـدِّ ..الـذّهـب
باعة الدم ، وهم يـوم الغطاريـف قـواد ..السريّـه
المعلِّـم يقـول الـدَّمَّ الاحمـر وروده ..باحـمـري







ياعسيـر التواريـخ الـف تسليـم ياقـوم ..كــرام
سبحـان الله ، ماهـز الجبـل سبعـيـن ..غــاره
العسيـري يريـد المرجـلـه مايضـيّـع ..بابـهـا

***

مانسينـاك ياشهـران فــان القـمـر ..ماينّـسـي
السيـوف البريعـه والفشـق والبلاجيـك شهرانـي
سجِّل المدح فـي شهـران ، والشكـر ..ياتاريخنـا

***

ثم جنِّح إلى مرسـى عتيبـه تجـد خيـر ..الرجـال
من يشاهد عتيبه كنَّها السيل فـي الوديـان ..سـاري
ولاَّ مثل السحاب البِيض تسمع لرعـده ..صرصـره


***

شكركم يامطير العز واجـب علـى حسـن الفعـال
فانها تذكر الامثال : " خال الأسد دايـم : ..مطيـري"
لو نزل في كتيبـه جيـش صامـد تغـدَّى ..باهلهـا

***

وانت ياالحارثي لازم نلبِّسـك فـي العَليـا ..وسـام
الشَّداديـن وإلاَّ حارثـي نجـد واللِّـي فـي ..تهامـه
كلُّهم نصـرة للديـن ، كـم مـن خصيـم ودَّبـوه






عَنَزَة نجمها الدرِّي ، ودعوى آل مقرن هـم ..عنـوز
يكسبون المدايح مالهم ياعـرب فـي المجـد ..ثانـي
كم شجاع ولـد فيهـم وكـم مـن زعيـم ..قدَّمـوه

***

وُدِّي اهـدي سلامـي والوفـا والمـودَّه لـ : ..البقـوم
فانّ حق الوفي نوفيه ، والكفو ياصـل لـه ..سلامـي
والحويطات مرفوع علمهـم علـى نجـم ..السعـود

***

وانت ياحرب ياسيد المعـارك ويارمـز ..الحـروب
قال راعي المثل : " ياليتني نازلٍ في بيت حربـي .."
لو قصدنا عَـدُوَّ الديـن برجـال حـرب ..نحاربـه

***

الله ياشمّـر الابطـال يسقـي سهلـكـم ..والجـبـل
حاتم المشتهر منكم ، وفيكـم تربّـى الجـود ..الاول
الجفـان الوسيعـه والكـرم مـن بلدهـم ورّدوه ...

***

باهله باهلـه ، حيّـوا معـي نجـم باهـل ..والعلـم
هو " قتيبه " كتب تاريخكـم ، والمعـارف ..باهليّـه
من فتح باب كابل يوم سيحـون غيـر الباهلـيّ ...







والسبيعي حماه اللّـه ، ولا عرَّضـه ربـي ..لشـرّ
من نزل ديرة السبعـان ينسـى ربوعـه ..والقرابـه
اللّه يسقي منازلهم مزون الحيـا فـي كـل حيـن .

***

وانظروا رايـة العجمـان واهـل الحِمَيَّـا ..والذِّمَـم
ثـم بلَّـغ بنـي مـرة تحياتنـا ، والحـظ ..عالـي
الذكـا والفراسـة ورَّدوهـا وهــم رُوَّادهــا ...

***

وان ذكرت الدَّواسر ويش بقّيـت مـن قـومٍ ..كـرام
الكرم والوفا والجـود مولـود فـي وادي ..الدواسـر
لو يجي طير شلوى قال ياليـت جـدَّي دوسـري ...

***

وامْس في ترج ، واقصد بيشة النخل واطرق ..بابهـا
تسعَدْ باولاد خالد والمعاوي مـع دعـوى ..السلولـي
فـي الكـرم والشجاعـه دايـمٍ يقتـدى بآثارهـم .

***

والتَّحيَّـات منِّـي زاكيـه والسـلامـه ديــن ..دوم
للنَّشاما حصون المجـد والفضـل قـوم بـي ..سليـمِ
كم صحابي وكم مقـدام منهـم نـذر للّـه دمـه ...







وان قصدنـا جهينـه فالكـرم والوفـا ..منهاجـهـا
المَثَل قال : صدق القول مامول من راعـي ..جهينـه
مرحبا مرحبا لا صار ضيف البطـولات جهنـي .

***

واذكروا لي رجال المع وفيفـا وربـعٍ فـي ..حَلِـيْ
ثـم للمجمعـه والوشـم وآمـرّ للزلفـي ..وشـقـرا
والتحيـه زكيـه ياهـوازن ومـن فـي جالهـا ...

***

وان نسينا فلا ننسـى خزاعـه ولا ننسـى ..هذيـل
التحيـات منـي صافيـه وافيـه تغشـى خزاعـه
وآهذيـل الفصاحـه والبلاغـه وبيـت المرجلـه ...


***

والشَّـلاوى نحِيِّيهـم مـع البلـوي يـوم ..الزحـام
وآبني وهب وبني زيد والعطـوي حتـى ..السمـاوي
مانِحْقِر واحـد تسليمنـا مـن جميـع المسلميـن ...

***

والذي مثـل سهلـيّ مـع محمـدي وبنـي ..عمـر
والشَّرَارَات ورجال العصيمي وربـعٍ فـي ..سكاكـا
والتحايا لخضراني مـع الحازمـي ذا فـي ضمـد






كُلُّهُم زرتهم فـي سالـف العمـر وايـام ..الشبـاب
قابلونـا بترحيـبٍ وهـيـل الــدلال ..الصيلبـيـه
واشعلوا المجمر الهندي وزادوا على ما في القلـوب

***

والتحايا مع صـوت الشميـزر مـع معشَّـر ..قِيَـامْ
لعلعوا بالكلاشنكـوف ومخمَّـسٍ والمـرت ..حامـي
لو تجي في الظهيره تحجب الشمس من بارودهـم ...

***

زرت انا العاصمه وطريف والخرج وديار ..الشمـال
وابتهجنـا بجـدَّه بعـد مكـه وسـرنـا ..للمديـنـه
والحسا والخبر وبـلاد شمـر مـع ربـع ..القصيـم

***

والتحيـات لليامـيّ والجحدلـي ولربـع ..حـايـل
والسهول النشامـى وآبنـي خالـد ،انعـم ..بالفهـود
ثم طرنا الى الشرقيه والضيـف قَيَّـلْ فـي ..تبـوك


***

ثم زرنا ديـار الجـوف واهـل القريـات ..الأبيّـه
والتقينا مع عرعـر ، وللباحـه مـن قـدَّام ..عـام
ديرة الربع في سبـت العلايـه ، وحيُّـوا ..للنمـاص






واذكروا لي تنومه قبل الاثنين ، ودُّوني علـى ..ابهـا
ثم مروا على نجران وابغي المسـا فـي ..صامطـه
وابصر القنفـذه والليـث وآمـرّ فـي وادي ..نخـال

***

وآتفرَّج على الطايف ، ولي ربع في وادي ..محايـل
اللّه يسقي ديار مـا تربِّـي الـرَّدِي واللِّـي ..بخيـل
والتحيـات يارابـغ وبحـره ويـا وديـان ..بيـش

***

كم مضينا من المخـواه للـدرب الـى وادي ..قَنُونَـا
وان قصدنا خميس مشيـط فالقلـب يستآنـس ..معـه
سرت انا في ربوع قريش وامسيت فـي ..بلجرشـي

***

وَمضينا من الخرمـه ورنيـه وبتنـا فـي ..غزايـل
ثـم ليّـه وبالحـارث مضينـا مـع ميسانـهـا ...

***

يا قبايل تـرى ماهـي بدعـوة بدعـوى ..الجاهليـه
غيـر نبغـي نذكركـم بتاريخـكـم ..وافضالـكـم

***

ياقبايل طلبـت العـذر منكـم اذا شفتـوا ..قصـور
والذي ماذكرت اسمـه فباسجَّلـه فـي نـون ..قلبـي
وحَّدتنـا بكـم ملَّـة محـمـد مــع لـحـم ..ودم
كُلَّنَـا نتبـع المختـار رافـع منـارات ..الجـهـاد
دكدك الشـرك والاصنـام خلَّـى كتايبهـا ..شظيَّـة
..وارتفع نجمنا ،ياقـوم صلـوا عليـه وسلمـوا ..)

( وقفة مع التاريخ )





الرد
لمحمد بن حوقان المالكي

يا الزّمان الذي نسعى لطيبه ولا نطلب سواه
اجتهدنا وصابتنا سهوم المقادير البريه
واخفق اللي يقول المال ماله وعرق الدم دمه

***

هو صحيح إن من يجهل بدينه يحلل ما حرم
يا وجودي على الراس الذي مافقه ( مَ ) العلم حبه
اللي ماخذ من الدنيا نصيبه ولا يرجى لها

***

أَتوجد وانا ادري ما تفيد الغباين والوجود
قلب الانسان إذا اصبح مثل جمر الغضى حامي وغالي
قل عليه السلام ولا تدور منه عطف وحنين

***

والف ونعم براس اللي يحب السوالف والعُرب
ذاك مثل البعير إن قرّ شلّ الحمل .. وان هاج درهم
والحكيم الذي ياخذ بشور الرجال وعلمهم

***

واغلب الناس مثل الهودج اللي يوثقه الحجاز
يعجب اللي يراه وداخله لا نظيف ولا تميم
واطيب البيع بيعٍ لو يعذرب ولو ينقال تمّ

والجهاد المقدس بالخيول الاصيله والرجال
في زمان فقدنا فيه صوت المنيمس وام حبه
واصبح الرجل يخشى من لباسه وسدةّ منزله

***

اصبحنا نقطع الساقه ونغتاب ونخون الذمم
ونحاسب على سقطات دِقْ المعاني والجليل
يا شيخ : الشجب والانكار ما عاد يسقي القدس ما

***

وآفة العُرب الاحرار فيمن يقوم يروسهم
هذا يفتي بلا علمٍ وهذا يحدث والصحى به
والثالث يعتبر حاله مثل نورهم ولباسهم

***

والرابع كنه الربان فوق البحر والموج بات
والخامس لو شهر سيف التحدي صدر مثلوم غامد
حارسٍ للبيوت الفارغه والبيوت الممتعه

***

والسادس لو بنى رايه يعوّد وعلمه خثعمي
كنه يصالي احلى جال بين العرب وأمر جال

***
والسابع مثل ما الله صرفه لا محب ولا مكاره
ذا شمسه ما بتحرقنا ولا نستظل الفي به
هدفه يجمع الاموال كنه من الجنات اويس
ان نصحته تنصل قال ماهمكم نقصي ولا ازدي
يفتعل مشكله ويورد شهود ما يتعادلون
والثامن يصرف الاموال للناس ويعن ويمن
إن مدحنا وقلنا مثل هذا عن الهفوه مكارم
اعتبرها نفاق وصار قلبه كما الحيد الاصم

***

والتاسع مشغل العالم بلعب الملاهي والقمر
كنه الوادي اللي سارحه لا ورد ما يروي اثله
مقصده يجمع اموال الفقارى ويتغنى بها

***

والعاشر مثل من يتعرض الكير بثياب جدود
إن قربنا قدم نحوه فهو يبتعد عنا خطيه
وان هجرناه يصبح مثل : نجمٍ تعلا واغترب

***

والحادي معظم امواله ذهايب ويا كثر الذهب
تشغله عن مواجيبه مصاريف الافواج السريه
كرسيه خير من حمر النعم والنعيم الاحمري

***

واللي بعده عتاد الجيش ابو طير والا ازكي كرام
ذبحونا بصمت وكن مافيهم رجوله وغاره
بندقة صيد (ماقالوا بني شهر ) ويش اعبابها







أما الثالث عشر من لايسافر لهم ما ينسي
الطرب والغنى والرقص تمتد شهرا وشهراني
كلما ارسلت عينك في مواقيفهم تاري خنا

***

واللي بعده كما اللي جال فوق البحر والبر جال
كلما شفتهم ما كني اعرف يميني من يساري
فرق مابين واحد يجمع المال واللي صرصره

***

وان مضينا على الخامس عشرمانقول الا الف عال
كلما قابلك يرعد ويرزم كما الرعد المطيري
وقلوب الكدر والضيق عنده تلاقي بهلها

***

أما السادس عشر مثل الذي لو هبط ثمّن وسام
مقصده يكسر الاسواق ويزيد غيره في تهامه
كيف نامن لودّ انسان ماهو بحافظ ود ابوه

***

واللي بعده كما سقفٍ على جرف هار بلا عنوز
يعجب اللي يشوفه يوم ياخذ حزامه ( عَ ) المثاني
ما خبرنا لهم فعلٍ مشرف وحدٍ قد دموه







أما الثامن عشر عزوتك لو يعتزي قومٍ بقوم
لكنه ينصب الرايات من غير حرب ولا سلامي
ودك انه عضيدك في نهار المكاره والسعود

***

أما التاسع عشر فكره وجهده مركز ( ع َ) الحروب
الله الله يا كم قاد جيشه على سلمٍ وحربي
كان صقرٍ محرّب لين جت له صقورٍ حاربه

***

واللي قبل الاخير مثيل سهم تقوى وانجبل
غامض الفعل والتفكير لا فسر اقواله ولا اول
ينزفون الدم المعصوم من كل ظامي ورّدوه

***

واخرهم لو تعلّم فيه صبح وعشيا ما علم
لا يصنف شجاع ولا من اهل الوجوه الباهليه
الله يجعل مواقفنا مع كل وجهٍ باهلي

***

والله ان يبعد الاجواد عن كل كذابٍ اشر
والليالي مثيل السيل إذا مر وادي والقرى به
والمقادير مثل الشمس ينضج لضاها كل حين







ناس يسعون للشهره ونبذ النقايد والذمم
ودهم يحبسون الغيث عن كل متكبر وعالي
والمهمات ماهم بعرفاها ولا روادها

***

في بلوغ المرام تمد يمناك لا اللي منك رام
فوق موج البحر يصد حديد الصواري والدواسر
وعلى اسواقنا قطاعة التمر ما ودّوا سري

***

والقصور الوثيقه يعجب الناظر إطر قبابها
بهجة الفارس المغوار بين الكناين والسلولي
حتى لو عاند الكفار واغاظهم واثارهم

***

تربيتنا على الملِّه وبفكارنا ودي ندوم
مثلما قيل : " لا فكرٍ سليم بلا عقلٍ سليم "
والغثى والزبد من خفته لو يجيه السيل دمه

***

وانتقام القلوب وحقدها رد يا من هاجها
والذي يجهن التسويف بالكذب ما بطل جهينه
ابتدى كل ظل يزول شدي رحاتك واجهني







اسقني موية الحنظل بعز وكرامه ويحلي
اللي يرفع عصاة الظلم يلقى لها كسرا وشقرا
مثل ما قيل فالامثال : " من لا تجي له جالها "

***

والهزيمه بمية ذيل والنصر ما جا منه ذيل
الاول طاحه التاريخ والثاني التاريخ زاعه
اصبر ويخرج المنزاع ما في القدور المرجله

***

والليالي تمر طوال وان حام طير العز حام
عاشق اللون الابيض ما يدور على اللون السماوي
واللي ما ذاق طعم النصر يسلم مثيل المسلمين

***

والفتى موقفه واضح ولا يهدم المبني عمر
واللي سك الذهب والفظه ماخذ من المعدن سكاكا
والطبيب المعالج ليش ياهب على جرحي ضمد

***

كن في صدري افواج كما النار اذا زادت شباب
يوم اشوف الصدور اللي عليها سلاسل صيلبيه
ودي اسن سيفي واصقله واقلب الدنيا قلوب
وانتقم من دعاة الشر ذا قاموا مع الشر قيام






مشكله لا اصبح الحامي حرامي وما للناس حامي
نايد الناس لا بوصل حماهم ولا بارودهم
واللي ماهو بكفو الواجب انك تمد له الشمال

***

والخناجر تزيد الجرح والدين ما ريّح مدينه
طحنتنا الظروف إلين ( حتى ) صرنا كما الحب القصيم

***

والمؤمن صادق المبدا لو احتال غيره ما يحايل
رابط الجاش لو وضعوه بين النماره والفهود
ليش تحتال لا وافيت جدك ولا وافيت ابوك
ليش تابا على الطيّب وقتل المهمات الابيه

***

تعرف الفرق اذا حدثت مابين متعلم وعام
والنمر لا تعرض شاربه للاهانه والنماص
ودك ان الحقايق مثل الافلام تبقى في علبها
طعمها صار مثل القهوه البايته والصامطه

***

والله يا شجر الزقوم ماهو بسدر ولا نخال
وان قول الحقيقه ما يجي من ضليل ولا محايل
واغلب الناس لا سابق بهجن ولا خيّل بخيل






بيش اهد الجبال الشم واسيّل الوديان بيش
ما رمينا الظهور ولا قنينا الرعاع ولا قنونا
اسمع اللي تكلم لو سكن فالمرستان اسمعه

***

ما على الصاحب الغالي نكايد ولا بالجار شي
وش حداكم على ابواب المصحات يا اصحاب الغزايل
الا فقد العقول وترك الابدان في ميسانها

***

وقفوا في لهيب الشمس كلاً يقول الجاه ليّه
والطبيب المعالج قال باشوفكم وافضالكم

***

يا الله يا اللي بنى للصبر واهله في الجنة قصور
انك يسر طريقي فوق وجه السراط اذا نقل بي
في نهارٍ ندم فيه المفرط ولا فاد الندم

***

اجتهدنا وربي يكتب الاجر في قدر الجهاد
بارق اهل الوفا والطيب لو شاف ولد اللاش ضيّه
ابتعد عن مداهيله وسلم مع اللي سلموا



منقول

صقر البشااير


تسلم يمينك يالغالي

لك مني الاحترام والتقدير

ولا تحرمنا من جديدكـ

لاهنت يارحال على مرورك إللي يشرّفني

بيّض الله وجهك ولاخلا ولاعدم

أطيب تحيه

تسلم اياديك ياصقر البشاير

وصحت لسان شيخنا عايظ القرني وبن حوقان المالكي

واسلم وزد

اخي الغالي صقر البشاير
تسلم يمينك عاى هذه القصيده وصح لسان
الشاعرين الكريميين

لاهنت يادماوي على مرورك إللي يشرّفني

بيّض الله وجيهك ولاخلا ولاعدم

أطيب تحيه

لاهنت ياالبازل على مرورك إللي يشرّفني

بيّض الله وجيهك ولاخلا ولاعدم

أطيب تحيه

بيض الله وجهك
والله يعطيك الف عاااافيه

تحياتي لكــ

الشمراني لاهنت على مرورك إللي يشرّفني

بيّض الله وجهك ولاخلا ولاعدم

أطيب تحيه