اعزائي اصافحكم بعد طول غياب واتمنى ان تكونوا بأتم الصحة والعافيه...ويسعدني ان اقدم هذه القصيدة بين ايديكم

ياليتني طفل وافعالي بلا حسبه
وابكي ليا من جرحني شخص وآودّه

واقدر ليا من زعلت آكسّر الّلعبه
وانام واصحى بدون افكار مسودّه

الكارثه يابشر والصّعبه الصّعبه
لوعشت طيّب ولااحدن مد لك يدّه

والجرح والموت والتّلويع والرّهبه
تحب لك شخص ويجازيك بالصّدّه

افكار متجمّعه وهموم منصبّه
ياعمّنا الحزن لاتبطي بنا المدّه

قلبي ملك بس خانه للأسف شعبه
والحب مافيه جيش وحرب للرّدّه

يعني خسرت الرهان ورب هالكعبه
لازم يساير خفوقي عيشة الشّدّه

شعبة قساوه وانا ملزم بهالشّعبه
مجبور هالقلب حصّل كل شي ضدّّه

اذا تمرّدت يوم وزادت النّسبه
عذري معي كل شي متجاوزن حدّه

الطيب في وقتنا وش فايدة كسبه
كرت احترق والتّجنّي بايحن سدّه

ان صار قلبي حجر مااظنّها صعبه
اشوف كل القلوب احجار من مدّه



علي سعد ظافر الشمراني

صح لساااانك--قصيدة جميلة

صح لسانك يابو ظافر شبل من ذك الاسد

اخي علي سعد ظافر
حياك الله مرارا وتكرارا قصيده جميله صح لسانك

علي بن سعد

ياهلا وغلا فيك والحمد على السلامهـ

صح لسانك وتسلم يمينك على القصيدهـ

لكـ مني خالص الاحترام والتقدير

صح لسانك يابو سعد

صح لسانك القصيد جزله

تقديري

ابو سعد
صح الله لسانك على هالقصيده الرائعه
شكرا لك

صح الله لسانك مليون يابو سعد متعت وابدعت ياغالي


اشكرك ولاتحرمنا من جديدك