سبحـان من يوجب علينا شكره=سبحان من بأمـــره نحب ونكره
بعض البشر يتعب عشـان نحبه=وبعض البشر حبه يجي بالفطرة
وأنتي بداية دمعة........ ما هلت=مثل القصــــيدة فـ"البداية فكرة"
أقول احبك....... حب فوق العادة=وأبصم على ما أقول لك بالعشرة
عشك هنا بين الضــــلوع وقلبي=والطيـــر يحزن لا طلع من وكره
وأسمك اعرفه حتى لو يخفـــونه=يفــوح عطــره لا تطــاروا ذكــره
وما دامك أغلى من سكن بعيوني=لا عرضك ربي..... لشر ومكره
أضيــــع وأرجع وانتشي وأروق=الحب كأسه......وانتظارك سكرة
وان غبت عني يا حبيبي لحظــة=أقول بكرة ..........بس طوّل بكره
مثل النــــدى لا جيت بل عروقي=لا جيتني أبغاك...... قطرة/قطرة
أمـوت من حبك وأمـــــوت بدونك=وسبحان من بأمره نحـب ونكـره

محمد بن سعيد

يابعد راسي انت مبدع

ومااظن هالكلمه توفيك

حقك ..لله درك..وصح

لسااانك واعتلى شانك


احتراماتي للأبداع واهله

أخوي محمد بن سعيد

صح الله لسانك

ولا هنت على القصيده

تقبل تحياتي
أخوكـ
السفاحـ المرتاحـ

الشاعر محمد بن سعيد

صح لسانك يالغالي

وتسلم يمينك على القصيدة

لك مني خالص الاحترام والتقدير

ولا تحرمنا من جديدكـ

صح لسانك يابو سعيد وانت ممن ( حبهم بالفطره )

الله الله الله الله شويه واقلبها حج--- صح لسانك ابونواف- - - وتحياتي لابوشنيف اش الصور هذي ترى بطلع صورتي امسح بكم الارض

صح الله لسانك يابو سعيد

قصيده في منتهى الروعه والجمال

لاتحرمنا يالغالي من تواجدك معنا

وفي انتظار جديدك

وتقبل فائق احترامي وتقديري

محمد بن سعيد
صح لسانك قصيده رائعه بروعتك ياشاعرنا
تقبل تحياتي

صح لسانك يابو سعيد ولاهنت

الحاتمي "حاتم"

لاهنت يا راس"ن" تعنى عشاني
................الله يجملني معك واكسب رضاك

مرورك عذب...
وكتابتك انفاس القمر على صدر الظلام

دمت لي /يا صاحبي

العذب بقسوة "السفاح"

شكرا على كل حضور...
وفي كل حضور

لانك تعطي كل حرف...قتل مباااح

دمت لي / يا صاحبي

الكريم "رحال الجنوب"

إضاءة في طريق هذا النص...
عنوانها أنت...
وإطلالة على هذا النص...أحرفها لك

لك كل الرضا

المسفر "مسفر"

يا مرحبا ترحيبة الأرض بالسيل
....................وإلا تراحيب الكريم بضيوفه

مرورك حب...
وكتابتك حب...
وبين هذه وتلك...لك كل الحب!!

الغالي "نسانيس"

حتى الهوى...يا لمة العطر بيديك
............. يذوب لا صافح بقربك نسانيس

لا جديد...
فالكلام لك/عنك...صمت!!
لك كل الرضا

الغالي "قناص شمران"

الأروع... احرفك تتهادى...مع نبضي/نصي
الأجمل... أن تكتب لي...فأكتبك
الأعذب... مرورك من هنا

دمت لي/ يا صاحبي

الغالي "شاعر بلا هوية"

وان مر في بالي من الحب ذكرى
............. شاعربدون أحباب وبلا هوية

جميل حضورك..يثلج صدر هذا النص

لاهنت

الغالي "صقر تهامة"

أثق ان هذا النص "قمة"
لأنك تعتليه!!
وما يرقب العالي ويرقى لعالي
............... إلا طيور .....تعتلي كل قمة

لك كل الرضا

مثل الندى لا جيت بل عروقي=لا جيتني أبغاك...... قطرة/قطرة

الله عليك يامحمد صح لسانك
منتهى الحب والتلذذ بالمحبوب
الله عليك اسجل اعجابي بشعرك العذب
يالله كم انت مبدع يامحمد واسمحلي اقولها بانفعال
وأقف لاصفق لك ولنصك الجميل أحترامي وتقديري لك

الغالي "بن عامر"

إطلالة الفرقد...هنا
ضوء اخاذ.... نسير على خطاه...في كل الاتجاهات

حضورك...تشريف

دمت لي

اخي الكريم محمد بن سعيد
صح الله لسانك وبيض الله وجهك
ولا هنت على هذه القصيده الجميله

الغالي "البـــاز/ل"

هنا فقط...نحتفي بالكرام
وهنا صفحة صدرها يتسع لك!!
ونبضها..لك!!

دمت لي / يا صاحبي