ياوجودي وجد من خاب ظنه فاصدقاه=وحملنه سود الايام مالايستطيع
وجد عود(ن)مايبي احد يقصر في الصلاه=وكبروا عياله وصدوا عن الطاعه جميع
من هواجيس تكدر علي صفو الحياه=ضيقت صدري وانا قبلها صدري وسيع
احمل احلام المشاهير وافكار الدهاه=لين سوت بينها حلف في راس شجيع
ان بدعت الشعر لازم تناقله الرواه=وان هبطت السوق ما لد عيني في الرجيع
وان حصل عند العرب في المواقبف اشتباه=ترجح اثقال الموازين في اليوم الشنيع
لكن في حكم ال مقرن مطوعة العصاه=بالعدل والصيرمي خلوا العاصي يطيع
الله يحفظ خادم البيت ويعز الولاه=جعل رايتهم رفيعه ومنزلهم رفيع
ياهني اللي ليا من بغى شيء لقاه=ما تنطحته صدوف الدهر مع كل ريع
وانا عمري راح من غير تحديد اتجاه=كل ما جيت اسلك بدرب قلت اخاف اضيع
الا منهج طاعة الله وتوحيد الاله=انهجه خوف ورجا منك يا الحي السميع
وادري ان الفوز في اليوم الاخر للتقاه=ما يفرق في البشر ذا شريف وذا وضيع
ولو قعدت اخاف من الفقر واحب الغناه=ضعت بين اهل السيوله وانا قدري رفيع
وان قضيت العمر كله على هذي السواه=مات جوع بعير ابو زيد ما جاه الربيع
حدني املك بين جمع العرب وجه وجاه=كني املك مال قارون واشريبه وابيع
والختام ازكى تحية سلامي والصلاه=على سيد الخلق جعله لنا ولكم شفيع الشاعر/ مدشوش مسفر الاكلبي

سلمت يمناك يانسانيس على النقل وصح لسان الشاعر

صح لسان الشاعر

وتسلم يمينك يالغالي نسانيس على هذا النقل الرائع

لك مني خالص الاحترام والتقدير

ولا تحرمنا من جديدكـ،

محيطناااااااااااالهادي----عزيزي رحااااااااااال الجنوب---لكما جزيل الشكر على مروركما

الله الله
صح لسانك قصيده رائعه
اعجبني قول الشاعر/


يا وجودي وجد من خاب ظنه فاصدقاه
وحملنه سود الايام مالايستطيع
نسانيس
تسلم يمينك يا مبدع

سلمت يمناك يانسانيس على النقل وصح لسان الشاعر

اخي نسانيس لقد كنت رائعا في نقلك لنا هذه
القصيده الرائعه بارك الله فيك

أخوي نسانيس
تسلم يالغالي على النقل المميز



تقبل تحياتي
أخوكـ
السفاحـ المرتاحـ

دائم مميز ومبدع

تسلم نقل رائع